والله على ما اقول شهيد هاد الخلطة علاج فعال وتخلي الوجه قمر

السلام عليكم يا احباب الله واخوة في الجنة باذن الله

اليوم تفكرت وحد الوصفة نعاود لكم علها وربي عليا شهيد لوصفة سر من اسرار البشرة

كانت
عندي صحبتي وجها مسكين فيها داك حب الشباب الازرق عرفتوه كيخسر وجه البنت
قياس الخير وخا تكون زينة زينها ما يبان غبرات عليا مدة نهار جات عندي
تبهرت لاانا لوحد صحبتنا حداخرا فيها وجها كان حالتو بالحبوب الازرق وخا
هي زوينة وغزالة

عرفتي منين شفنا بشرتها كيف ولات
صااااااااااااافية وبييييييضة وفاتحة وجها ولا منور غززززززاااااال انا
وصحبتي الاخرىوخا انا وجهي صافي الحمد لله مافيه مشكل خديتو بطيرتي
هههههههه وحتى صحبتي الاخرى كان فيها شوية الحبوب وبشرتها صفراء دااابلة
وجربتها وجها ولا غزال غزال والله انا بعدا وجهي لله الحمد وخا بشرتي
صافية الا ان بشرتي زادت اشراق وصفاء وافتح لون وجهي

الوصفة اليكم وسامحوني طولت علكم

وكنصح بها كل عروسة تدرها قبل عرسها يوميا وتدعلي مع والديا والزوج ديالي بتسير الامور والحفظ من كل مكروه

الوصفة هيغاتشدي اللا روز خضر تدكيه مزيان ولا تطحنيه لعندك مهم خصو يولي لنا نشا ومتخديش نشا المصنوع لا احنا بغينا الطبيعي

مهم حتى يولي غبرة

غادي تاخدي عاود قشور البيض تغسلهم من داك التخنان لفيه ومسحهم ودقيهم تهما حتى يوليو غبرة

مهم المقدار ديال الغبرة الروز والبيض قد قد خصهم يكونو

وخودي زعفران شعرة الحر تهو يكون نصف هاد المقادير بلحق الحر اقول

وخودي جهد 2 قرنفلات ولا 3 تهما مدقوقين

وخودي
هداك الخرقوم البلدي عواد دقيه بيديك بلحق غير شوية منو باش ميصفرش لك
الوجه توحلي في غسيلو هذا كيبيض حتى لركابيك ولا تفركي به المنطقة الحساسة
مزيانة

وماء ورد باش نجمعو هادشي

غادي تخلطي كلشي لدقناه وغربلناه[

ودريه في حكيك وفيما تبغي تدري منو تجبدي شوية وتخلطي بماء ورد ودريه كماسك يومي حتى لوصول للغاية

اه
نسيت هاد صحبتي لعطتنا الوصفة قالتلنا هاد الوصفة منين لقتها لقتها مكتوب
معها حتى صندل بلحق معرفاتش اشنهو هاد صندل وحدفاتو ومع ذلك عطها نتائج
ربي عليا شاهد وجها هبلني منين شفتو

منقول للافادة

» صنادل صيفية رووووووووعة والله لن تندمو وكمان من ستايلي.......